2023-2024 оқу жылындағы оқу-әдістемесі бойынша атқарылған жұмыстар туралы анықтама

2023-2024 оқу   жылындағы  оқу-әдістемесі   бойынша атқарылған

жұмыстар туралы анықтама

2023-2024 оқу жылында   оқу-әдістемесі бойынша  бекітілген жылдық жоспары негізінде барлық жұмыстар жоспарға сәйкес атқарылды.

Атап айтқанда:  

Пән апталықтары

Әдістемелік жоспар құру барысында бірлестік жетекшілер пән онкүндіктерін де жоспарлады. Яғни әр бірлестік бойынша онкүндік екі жылда бір рет өткізілетін болды.МектепішілікТіл туралы Заңның орындалуы туралы жұмыс жоспары бекітілді.

  Жоспар бойынша оқу жылының екініші аптасынан бастап тіл мамандарымен бірге «Тіл жанашыры – Ілияс Жансүгіров» атты Тілдер мерекесі онкүндігін  өткізу жоспарланды.  Онкүндіктің мақсатына қарай іс-шаралар оқушылармен өткізуге  ұйымдастырылды.

Қазақ тілі, орыс тілі, ағылшын тілі пәні бірлестігі мұғалімдері қатысты. Онкүндіктің жоспары құрылып, құрылған жоспар бойынша мұғалімдер ашық тәрбие сағаттары мен зияткерлік ойындар өткізді. Атап айтсақ, шығармалар сайысы, мәнерлеп оқу сайысы, көрмелер сайысы, мақала жазу сайысы, Қазақстан халықтарының тілдері күніне арналған салтанатты жиындар өткізілді.  Онкүндіктің өткізілуі туралы директор жанындағы кеңесте қаралып, шешім шығарылды

Мақсаты: Қазақ поэзиясының мұзбалағы атанған Ілияс ақынның өмірі,еңбек жолы және шығармашылығымен таныстыру,  балаларға ақынның  поэзиясы мен әндерін  мәнерлеп оқыту. Ақын өлеңдері арқылы оқушылардың Отанға, халқына, тілге деген сүйіспеншілік сезімдерін ояту, отаншылдыққа тәрбиелеу.

«Тіл жанашыры - Ілияс Жансүгіров» тіл онкүндігін мектеп оқушыларына арналған лездемемен ашылды. 

Пән мұғалімдері: Толебаева А, Тулепкулова Р, Сулейменова А. «Қазақ поэзиясының құлагері» эссе байқауын өткізіп, тақырыптың ашылуы мен эссе талаптарының сақталуына қарай жазылған жұмыстарды марапаттады.                 Орыс тілі мен әдебиеті пәні мұғалімдері Г. Манамбаева, Г.Исабекова, Б. Малдыбаева «Фразиологизмдер» тақырыбында тіл дамыту сабағын, 6-7 сыныптарда кроссвордтар, ребустар шешу сайысын  Г.Манамбаева,   Г. Исабекова,  Б.Малдыбаева ойын ойнату арқылы  шешті. 

13.09.2023ж ағылшын тілі пәні мұғалімі А. Сулейменова және қазақ тілі мен әдебиеті пәні мұғалімі М.Ұзақбаева бірігіп «Тілдер патшалығы» тақырыбында зияткерлік ойын өткізді. 

   14.09.2023ж Пән мұғалімдері Г.Джаксингаева мен Ә. Сман 9 а,ә,б,в сыныптарымен «Сөз зерде» тақырыбында «Catching fly» ойынын ұйымдастырып, өткізді.

   15.09.2023ж Ағылшын тілі пәні мұғалімдері А. Абдильдина мен Ж. Кожахан  8в сынып оқушыларымен «Колесо знаний» интеллектуалды лабиринт ойынын ұйымдастырды. 

18.09.2023ж Ағылшын тілі пәні мұғалімдері Н. Әшімова мен Д. Жетібай «Тіл татулық тірегі» тақырыбында 7 сыныптармен зияткерлік ойын өткізді.

   19.09.2023ж Ағылшын тілі пәні мұғалімдері А. Бектемисова, Қ. Жунусова  және Н. Үрімжан бірігіп 5 сынып оқушыларымен «Жұмбақтар әлемінде» тақырыбында зияткерлік ойын ұйымдастырды.

   22.09.2023ж Қазақ тілі, орыс тілі және ағылшын тілі пәні мұғалімдері «Тіл жанашыры – Ілияс Жансүгіров» атты қорытынды кеш ұйымдастырды. Кеште 9-11 сынып оқушылары І. Жансүгіровтың өлеңдерін ағылшын тілінде мәнерлеп оқыды

Жоспар бойынша өткізілген іс-шаралардың мақсаты: ана тілімізді сүюге, мәртебесін биік ұстау, оқушылардың ой-өрісін, дүниетанымын кеңейту, сөздік қорын молайту, сөз құдіретін түсініп,оның адам өміріндегі маңыздылығын ұғынуға үйрету. Онкүндікте қазақ, орыс сыныптарының оқушылары белсенділік танытып, ақын жазушылардың тіл туралы жазған өлеңдерін нақышына келтіре мәнерлеп оқып, сонымен қатар тілге байланысты арнау өлең шығарған оқушылар да өз шығармаларын таныстырды.

Онкүндікте пәні мұғалімдері жарыс сабақ, мәнерлеп оқу байқауы, кроссвордтар, ребустар шешу (ойын ойнату), сурет байқауы,  жарыс сабақ ұйымдастырылды.байқауға қатысқан оқушылар мақтау қағазымен марапатталды. 

Онкүндік қорытындысы бойынша белсенділік танытқан оқушылар мен мұғалімдер марапатталды.

Қазақстан халқы ассамблеясының 2022-2026 жылдарға арналған даму тұжырымдамасын іске асыру жөніндегі іс-қимыл жоспарының 10.3-тармағына сәйкес «Мың бала» республикалық мәдени-ағартушылық жобасын өткізу аясында елміздің бапрлық өңірлерінде  2023 жылғы 5 қыркүйек күні сағат 11,00-де мемлекеттік тілде «Мағжан Жұмабаев – заманның заңғар тұлғасы» тақырыбында жалпықазақстандық ашық диктант жүргізіліп 8-11 сыныптың  өзге ұлт өкілдерімен диктант жұмысы алынды. Диктант жұмысын пән мұғалімдері алып, интернет желісіне салынды.  

2023 жылдың 13-17 қараша аралығында «Удивление, разнообразие, творчество и дружба» тақырыбында бастауыш орыс сыныбының апталығы өткізілді. Апталықтың жоспары бекітіліп,  жоспар бойынша сынып сағаттары,  ашық сабақтар,  эстафета, конкурстар өтті.

Апталықтың  мақсаты білім алушылардың пәнге деген қызығушылығы мен  шығармашылық қабілетін арттыру, ынталандыру, негізгі дағдыларды дамыту,  танымдық белсенділігі мен дүниетанымын дамыту.

Пән апталығына бастауыш сынып мұғалімдері А.Орынбаева, Н.Ибраимова, Е.Сорокина, А.Торгаутова , 1 «Б», оқушылары.

 Бастауыш сынып апталығында пән мұғалімдері ынтымақтастық атмосферасын қалыптастыра отырып,   бастауыш сыныптар жұмысында жоғары нәтиже көрсетті деп айтуға болады.

Бастауыш сыныптар апталығында әр оқушы өзін-өзі таныту үшін өз орнын тауып, оқушылардың үздік шығармашылық жұмыстарынан көрмелер ұйымдастырылып, апталық қорытындысы бойынша ерекше көзге түскен бастауыш сынып оқушылары марапатталды

Пән апталығында барлық мұғалімдер жақсы ұйымдастырушылық қабілеттерін көрсетіп, шығармашылық ахуал қалыптастырды. Оқушыларды қоршаған ортаны қорғауға, табиғатты аялауға, үлкендерге ізет көрсетуге, әсемдік пен әдемілікке үйрете алды. Оқушылар пәндерді жақсы меңгергендігін, алған білімдерін әртүрлі жағдайларда қолдана білу, өзара көмек көрсету, күрделі мәселелерді жаңашылдықпен шешуді көрсетті.

      2024 жылдың 22 қаңтар мен 02 ақпан күні жылдық жоспар негізінде орыс тілі мен әдебиеті пәні мұғалімідерінің онкүндігі өткізілді. Онкүндікте пән мұғалімдері ашық сабақ және сыныптан тыс шаралар ұйымдастырылды.                 Пән мұғалімі А. Джекежанова 10 сынып оқушыларымен А. С. Пушкиннің  «Моцарт и Сальери» тақырыбындағы ашық сабақта «Стартер» ойын, «Викторина – актуализация знаний», «Тарсия» әдістерін тиімді қолданды. Сонымен қатар аудиожазба, бейне жазба қолдану арқылы Моцарт пен Сальери шығармаларының айырмашылығы, шығу тарихы туралы айта отырып,  «Убийство в квартете» тақырыбында рөлдік қойылым жасады. Сабақ соңында кері байланыс жасалды. 

       Пән мұғалімі Э. Сатаева 5 сынып оқушыларымен «Ее сила в ее серце. Спасение Кая»   тақырыбында ашық сабақ өткізді. Ашық сабақта «Большая стирка» әдісін қолдана отырып оқушылардан өткен тақырып бойынша сұрақ-жауап алды, Мультфильмнен үзінді көрсеткен соң «Снежная королева» шығарма желісі бойынша мазмұндады. «Суреттер галерея» әдісі арқылы шығарма кейіпкерлеріне талдау жүргізді. 

      Мұғалім сабақта қолданған әдістер тиімді қолданған, бірақ шығарма талдауда кейіпкер бейнесі ашылмады. Топтық жұмыс жүргізілгенімен бір топта 7-8 бала отырғандықтан берілген тапсырманы топпен орындай алмады, проблемалық сұрақ қойылған жоқ, берілген тапсырмалар жеке және жұппен орындауға арналды. Бағалау кезінде дескриптор тиімсіз құрылған. 

     Пән мұғалімі Б. Малдыбаева «Семицветный полукруг из семи широких дуг» тақырыбында 4 «Ә» сыныппен ашық сабақ өткізді.     Сабақта мұғалім топқа бөліп, жаңа тақырып алдында жұмбақ шешу арқылы ашты.   Топқа берілген тапсырмалар оқушылардың жас ерекшелігіне сай болып, оқушылар қызығушылықпен орындады. Оқулықпен жұмыс жүргізілді. Мұғалім сабақта әдіс-тәсілдерді тиімді қолдана алмады, бағалауда дескриптор дұрыс құрылмады. 

    Пән мұғалімі Г. Манамбаева «Волшебство музыки в творчестве                                   К. Паустовского» сабағының мақсаты: мәтіннің негізгі ойын анықтау, кері байланысқа түсу. Сан есім, зат есім, есімдіктердің септелуіне талдау. 

Сабақта мұғалім «Микрафон настроения», «семечки», әдістері арқылы көңіл күй орнатып, үй тапсырмасын сұрады. Жаңа сабақ түсіндірмес бұрын   сөздікпен жұмыс жүргізе отырып, үш топқа тапсырма берді. «Пеликерс» ойыны, «Кюаркод» әдістерін тиімді қолданды.     Мұғалім оқушылардың ойын жеткізуге итермелеп, сабаққа қатысуына көңіл бөледі, топтық жұмыстың орындалу барысын бақылайды. Өзін-өзі, бірін-бірі бағалау жұмысы ұйымдастырылды.

        Пән мұғалімі,  жас маман   А. Өзбекова  8 сынып оқушыларымен  Ш. Айтматовтың «Плаха» шығармасындағы Акбар кейіпкеріне мінездеме берді.  Мұғалім Ш. Айтматов туралы мәлімет бере отырып, топтық жұмыс жүргізді. Плаха сөзіне- түсіндірме сөздік бере отырып, романға қай сөз жаөқын екендігін анықтатады. Сабақта қолданған бейнебаян арқылы оқушыларға пробламалық сұрақтар қойды. Тәлімгерімен бірге жасаған қысқа мерзімді жоспарда оқылым, жазылым, айтылым дағдыларын қалыптастыруға тырысты. Бірақ та сабақта мұғалімге тәжірибелі мұғалімдердің сабағына қатысып, тәжірибе жиақтау қажет. 

     Пән мұғалімі Р. Тулепкулова  И. С. Тургеневтің «Муму» шығармасы бойынша ашық сабақ өткізді.  Мұғалім  сабақ тақырыбы бойынша сахналық қойылым қою арқылы әр кейіпкерлерге талдау жасатты. Сонымен қатар сөздік жұмысы, топпен жұмыс жүргізді. 

    Пән мұғалімі Г. Исабекова «Музыкальная душа» тақырыбында сабақ өткізді. Өткен сабақ бойынша қайталау тапсырмалары сұралды. Сабақ барысында кластер, сұрақ-жауап әдіс-тәсілдері қолданылды. Мұғалімнің сабаққа қатысты көрнекіліктері болды. Сыныппен топтық және жеке жұмыстар жүргізілді. Кейбір тапсырмалар оқушыларға қиындық туғызды. Әр тапсырмадан кейін мұғалім бағалау жүргізіп отырды.

    Сабақта мұғалім оқушылармен жазылым дағдыларын қалыптастыруға грамматикалық тапсырма беріп, тақтада талдауды ұсынды

     Пән мұғалімі Г.Рахимжанова «Волшебная власть воды» тақырыбында ашық сабақ өткізді. Сабақ барысында презентация, карточкалар, постер ресурстары қолданылды. Сыныппен топтық, жеке жұмыстар жүргізілді. Инсерт, «Собери пословицу», «Ассоциативное облако» әдіс-тәсілдері қолданылды. Оқушылардың сабақта қобалжуы байқалды. Оқушылар сабақ мақсатына  толықтай жетті.

Пән мұғалімі М. Бірімжанова сабақта «В мире чисел» тақырыбында ашық сабақ өткізді. Сабақ мақсаты сан есімдерді қайталау.Сабақ барысында сыныппен топтық және жеке жұмыстары болды.Сабақта әртүрлі ресурстар қолданылды, көрнекіліктер, интерактивті тақта бар. Жаңа тақырып түсіндіру барысында оқушыларға тапсырма ойын түрінде берілді, телефонның көмегімен оқушылар кюар кодымен тапсырмаларға жауап беріп көрді. Оқушылар қызығушылық танытты. Мұғалім өзі қобалжып, сабақ барысында оқушыларға дұрыс бағыт-бағдар бере алмаған сәттері байқалды. 

Топтық жұмыстағы әдісті тиімді пайдалану. Тәжірибелі мұғалімдердің сабағына қатысып, курсқа барып тәжірибе жинақтау қажет. 

Орыс тілі мен әдебиеті бірлестігінің онкүндігінің жабылуында мектеп жасындағы балалардың тілін дамыту, байланыстырып сөйлеу дағдыларын қалыптастыру, сөздік қорларын байыту мақсатында  «В гостях у сказки» қойылымын қою кешін өткізді. Кеште «Красная шапочка» ертегісі қуыршақ театрымен 9-сынып оқушыларымен сомдалса, «Сказка о рыбаке и рыбке» ертегісі 3-сынып оқушыларымен, «Муравей и Стрекоза» мысалы 5-сынып оқушыларымен, «Ворона и Лисица» мысалы 6-сынып оқушыларымен қойылды. Кеште ән айтылып, би билеп, оқушылардың  актерлік шеберліктері байқалды. Сахналық көрініске қатысқан оқушылар өздеріне берілген рөлдік ойынды барынша жоғары деңгейде көрсете алды. Әр кейіпкердің қимыл қозғалысы, сөйлеу шеберілгі мен киінуі талапқа сай болды. Кеш соңында онкүндікке қатысқан оқушылар марапатталды. 

I love English» атты ағылшын тілі пәні бірлестігінің онкүндігінде өткізілді.

1. Пән мұғалімі Қ. Жунусова 10а сыныбымен өткізілген «Multiple intelligence» тақырыбындағы ашық сабақ туралы

Ашық сабақтың мақсаты: сабақтас құмалас және салалас құрмалас сөйлемдерді ажырату; көп интеллект түрлерімен танысу және өзінің бойында бар қабілетін анықтау.

Тыңдалды:

Күн тәртібінде қаралған мәселе бойынша ағылшын тілі пәні мұғалімі 

Қ.Жунусова ашық сабақ соңында сөз алып сабағының мақсатымен таныстырды. Мұғалім сабақ барысында қолданған әдістерін «Brainstorming», «Pass the clap around the classroom» ойыны, «Speen the wheel» тапсырмасы, «5 questions method» әдісі және «30 seconds speech» әдістерін түсіндіріп, сабақтың мақсатына жеткенін, жоспарланған жұмыстардың барлығын орындағанын  айтты. Сабақ барысында оқушылардың тыңдалым, оқылым, айтылым дағдыларын дамытып, сабақтың жемісті және қызықты өтуіне бағытталған жеке, жұппен және топпен орындалатын тапсырмалар ұсынғанын жеткізді. Балалар өз ойларын ортаға салып, өзінің бойында бар қабілетін анықтап, өз білімдерін бағалау парағындағы дескрипторлар арқылы бағалағандарын айтты.

Ағылшын тілі пәні мұғалімі Н.Үрімжан мұғалім сабақ барысында қолданған әдістері «Close your eyes» тапсырмасын, «Фонарик» әдісі, «Airplanes»,«See-Think-Wonder» әдісі және «True/False» тапсырмасын, «Spin the well» тапсырмасын,«Car» әдістерін қолданғанын, сабақтың мақсатына жеткенін, жоспарланған жұмыстарды орындады. Сабақ барысында оқушылардың тыңдалым, оқылым, айтылым дағдыларын дамытып, сабақтың жемісті және қызықты өтуіне бағытталған жеке, жұппен және топпен орындалатын тапсырмалар ұсынғанын жеткізді. Балалар өз ойларын ортаға салып, өзінің бойында бар қабілетін анықтап, өз білімдерін «Travel» бағалау парағындағы дескрипторлар арқылы бағалағандарын айтты.

Пән мұғалімі А.Сулейменова өткізген сабаққа 16 мұғалім қатысты.

10 ә сыныбымен өткізілген «Creative people(Art, Literature, Music). Skills» тақырыбындағы  ашық сабақтың мақсаты:  көп интеллект түрлерімен танысу және өзінің бойында бар қабілетін анықтау, интеллект түрлерін мамандықтармен байланыстыру.

Мұғалім сабақ барысында қолданған әдістерін «Brainstorming-Dodecahedron» әдісі бойынша сұрақтарға жауап алу, «Matching task - Tarsia» әдісі бойынша үй тапсырмасы тексеру, «Pre-reading, While-reading, Post-reading»,  «Flesh Drive» әдістері арқылы әр түрлі  жекелей, топтық  және   жұптық жұмыстар жүргізілсе, «Telegram» әдісі арқылы сабақтың қорытылғаны жайлы  түсіндіріп, сабақтың мақсатына жетіп, жоспарланған жұмыстардың барлығын орындады. Сабақ барысында оқушылардың видео арқылы тыңдалым дағдысының, мәтінді оқу арқылы оқылым дағдысының, интеллект түрлерін мамандықтармен байланыстыру арқылы айтылым дағдыларының дамытылғаны және оқушылардың барлық тапсырмаларды түсініп орындай алғандығын жеткізді. Оқушылар сабақ кезіндегі өз жауаптарына сараптама жасай отырып,  өз білімдерін бағалау парағындағы дескрипторлар арқылы бағалағанды.

Пән мұғалімі А.Абдильдинасабағында сыныпты «Шытырман оқиға іздеушілер», «Армандаушылар» деген атаулары бар ұшақтар арқылы екі топқа бөлді. Сабақтың мақсатын, сонымен қатар сабақтың іс-шаралар жоспарын оқушыларға қолжетімді формада құрастырып, сабақтың дұрыс өтуіне ықпал етті. Мұғалім де сабақтың әр кезеңі алдында нақты нұсқаулар берді.

Сабақ «Сиқырлы 10» ми шабуылымен басталды, онда оқушылар географиялық атауларды, жемістердің, заттардың атауларын және т.б.Сабақтың әр кезеңінде тапсырмаларды ұсынудың әртүрлі стратегиялары мен әдістері қолданылды. Бірінші тапсырмада мәтін алдында оқушылар бейнефильм көріп, мұғалімнің тақырып бойынша кіріспе сұрақтарына жауап берді. Фонетикалық жаттығулар кезеңінде айтылу қателерін оқушылар орындағаннан кейін бірден мұғалім түзетеді; Тыңдалым дағдыларын дамыту кезеңінде тыңдалған ақпаратты талқылау және диалогты сахналау барысында мұғалім оқушылардың жауаптарынан кейін жіберілген қателерге түсініктеме берді. Мәтін «сканерлеу» әдісі арқылы оқылды.Мәтін мазмұнын бекіту тапсырмасымен қатар «анықтамаларды салыстыру» тапсырмасын орындадық, онда топтар бір-бірін бағалады. Саяхат ерекшелігіне қарай көсемше құрастыру тапсырмасы бойынша интерактивті тақтада дұрыс жауаптар арқылы оқушылар өзін-өзі бағалады. Жаңа сөздерді бекіту үшін оқушылар бір минут ішінде смартфондарындағы https:/ /wordwall.net/ru/resource /52353956/signs-relating-to-travel платформасында тапсырманы орындады, мұғалім нәтижені интерактивті тақтадан көрді. Сабақта қарым-қатынас әртүрлі режимдерде ұйымдастырылды: мұғалім-оқушы, мұғалім-топ, оқушы-оқушы. Жұмыстың келесі түрлері қолданылды: жеке жұмыс, жұптық жұмыс, топтық жұмыс.Тапсырмаларды орындағаннан кейін оқушылар топта бірін-бірі дескриптор арқылы жеке бағалады. 

Пән мұғалімі  Б.Өмірзақова 3 “Ә” сыныбымен өткізілген «MarcoPolo» тақырыбындағы ашық сабағындасабақтың мақсаты: басқа пән салаларын зерттеу (тарих);Марко Поло туралы айту.Мұғалім сабақ барысында қолданған әдістерін «Anagram», «HotSeat» ойыны, «Matchup» тапсырмасы, «Puzzle» әдісін түсіндіріп, сабақтың мақсатына жеткенін, жоспарланған жұмыстардың барлығын орындағанын  айтты. Сабақ барысында оқушылардың тыңдалым, айтылым дағдыларын дамыта отырып, жұппен және топпен орындалатын тапсырмалар ұсынғанын жеткізді. Балалар Марко Поло жайлы өз ойларын айтып, өз білімдерін «Баскетбол» әдісі арқылы бағалады.

Пән мұғалімі Н.Әшімова 7а сыныбымен өткізілген «Natural disasters» тақырыбындағыашық сабақтың мақсаты:  Табиғат апаттары атауларын меңгеру,  оларды оқып айту,  жазу.

Мұғалім сабақ барысында қолданған әдістерін «Pigeon letter»,  («Running dictation» ойыны, «Take an umbrella» тапсырмасы, сабақтың мақсатына жеткенін, жоспарланған жұмыстардың барлығын орындағанын  айтты. Сабақ барысында оқушылардың тыңдалым, оқылым, айтылым дағдыларын дамытып, сабақтың жемісті және қызықты өтуіне бағытталған жеке, жұппен және топпен орындалатын тапсырмалар ұсынғанын жеткізді. Балалар   табиғи апаттарды жеттік меңгеріп, табиғи апаттар  атауларын жекелей жазып ол  туралы мәлімет айтып өтті, өз білімдерін бағалау парағындағы дескрипторлар арқылы бағаланды.

Ұсыныс: Қолданылған әдіс-тәсілдер тақырыпқа сай, бағалау кезінде оқушы өз ойын жетік айтып отырса.

Пән мұғалімі А.Бектемисова 5 Б сыныбымен өткізілген «The Two Giants» тақырыбындағы ашық сабақ көрсетті.

Ашық сабақтың мақсаты: Оқушыларға домбыра жайында мағлұмат беру аспаптардың құндылығын ұғындару; Мәтінге қызығушылықтарын ояту мәтін мазмұнын болжау және нақты ақпарат алу.

Мұғалімнің сабақ барысында қолданған әдістері «Meditation for students » оқушылардың назарын сабаққа аудару мақсатында жасалды, «Spider veb» әдісі, «Platform Quizz » тапсырмасы, «Wordwall platform  »тапсырмасы   және «Iinterview» әдістерін түсіндіріп, сабақтың мақсатына жеткенін, жоспарланған жұмыстардың барлығын орындағанын   айтты. Сабақ барысында оқушылардың тыңдалым, оқылым, айтылым дағдыларын дамытып, сабақтың жемісті және қызықты өтуіне бағытталған жеке, жұппен және топпен орындалатын тапсырмалар ұсынғанын жеткізді. Балалар өз ойларын ортаға салып, өзінің бойында бар қабілетін анықтап, өз білімдерін бағалау парағындағы дескрипторлар арқылы бағалағанды..

Пән мұғаліміЖ.Қожахан7в сыныбымен өткізілген тақырыбындағы «Natural Disasters - True Stories» ашық сабақ көрсетті.

Ашық сабақтың мақсаты:  Табиғат апаттары атауларын меңгеру, оларды оқып айту жазу. Мұғалім сабақ барысында қолданған әдістері «Window»,«Stackle»тапсырмаларын және де сабақтың мақсатына жеткенін, жоспарланған жұмыстардың барлығын орындағанын  айтты. Сабақ барысында оқушылардың тыңдалым, оқылым, айтылым дағдыларын дамытып, сабақтың жемісті және қызықты өтуіне бағытталған жеке, жұппен және топпен орындалатын тапсырмалар ұсынғанын жеткізді.

Ұсыныс:  «I love English» атты ағылшын тілі пәні бірлестігінің онкүндігінде өткізілген сабақтар қанағаттанарлық деп танылсын. Айтылған сын ескертпелер назарға алынса.

Өткен оқу  жылдарымен салыстырғанда пән мұғалімдері сабақта қолданған ресурс, әдіс-тәсілдерде жаңашылдық бар, фунцкионалдық сауаттылықты дамытуға тапсырмалары тиімді беріледі, бірақ балл бойынша бағалау дұрыс жолға қойылмаған.

Аудандық білім бөлімі тарапынан педагогтердің кәсіби  құзыреттіліктерін арттыру және кәсіби педагогикалық шеберлігін жетілдіру,   білім алушылардың функционалдық сауаттылығын дамытуға бағытталған   жұмыстарды тиімді ұйымдастыру әдістемелік десанттың аудандық білім бөлімінің әдіскерлері:   А. Нұхтархан,  Ахметова Карима Мырзабаевна, тексеру комиссиясы -12 педагог “№49 орта мектеп” КММ-нің  пән мұғалімдерінің сабағына қатысып, кәсіби сұқбат берді. Хаттама жазылып, семинар соңында бағалау барысында дескриптор құрастыру, ҚМЖ жазу туралы әдістемелік кеңес берді. 

9- сынып пән мұғалімдері: А. Толебаева – қазақ тілі пәнінен, Т. Байтагаева – қазақ тілі пәнінен, Ш. Наурызбаева- – қазақ тілі пәнінен, З.Әзімбай –химия пәнінен, А. Мухамадиева – химия пәнінен, А. Тулемисова- физика пәнінен, Г. Рахимжанова –орыс тілі мен әдебиеті, Ө. Бақытов – биология пәнінен,                   М. Рысбекова – география пәнінен өткізген сабақтарға қатысты. Сабаққа қатысқан әдіскерлер, комиссия мүшелері кері байланыс беріп, талдау жүргізді. 

Сабаққа қатысу барысында пән мұғалімдеріне төмендегідей ұсыныс айтты.

1. Қысқа мерзімді жоспар жазу барысында қалыптастырушы бағалауда дескриптор қолдану, 
2. Оқушыларға функцоналдық сауаттылығын дамыту тапмырмаларын беру және әдіс-тәсілдерді тиімді қолдану.
3. Біліктілікті арттыру курстарына мерзімінде жіберу. 

Дарынды оқушымен жұмыстың негізгі мақсаты - олардың шығармашылық жұмыста өзінің қабілетін іске асыруға дайындығын қалыптастыру. Ал мақсатқа жету - оқу бағдарламасын тереңдетіп оқыту және оқушылардың танымдық белсенділігін дамыту. Кез-келген мұғалім осындай жұмыстарды жүйелі жұмыс жасап және жан-жақты талдау жұмыстарын жүргізе алса ғана, оқушылардың дарындылығын, қабілет мүмкіндіктерін айқындай алады. 

Дарынды оқушылармен  жұмыс бағыты бойынша «Дарын» орталығы құрылып, үйлестірушісі тарих пәні мұғалімі  Алсай Рысгүлге бекітілді. Жоспар бойынша мектепішілік, аудандық байқау, олимпиадалардың мектепішілік кезеңін өткізіп, аудандық байқауға нәтижесі бойынша жіберуді жоспарланды. 

Дарындылықты, оқушының креативті белсенділігін айқындау   мақсатында  пән   мұғалімдері  оқушыларды   қашықтықтан   өткізіліп  жатқан  түрлі   байқауларға  қатыстыруда. Дарынды оқушылармен жұмыс жылдық жоспар негізінде және аудандық, облыстық білім бөлімінің ұйымдастыруымен өткізілді. Оқушылар аудандық, облыстық кезеңге қатысып төмендегідей жетістіктерге жетті. 

Аудан 9-10 сынып оқушыларына арналған жас тарихшылардың «Менің кіші Отаным» атты республикалық интеллектуалды конкурсына, «Жетісу дарыны» облыстық дарынды балалар мен талантты жастарды анықтау және қолдау оқу әдістемелік орталығы»  КММ іс-шара жоспарына сәйкес «Ақберен» республикалық өнер байқауының аудандық кезеңіне, Жасөспірімдер арасында Бейсен Құранбек атындағы облыстық шығармашылық байқауына, «Кемел Тоқаевтың қазақ әдебиетіндегі рөлі» атты дарынды балалар арасындағы  сұраныс беріледі,  конкурс өткізлетін күні оқушы дайындығы төмен деп, жетекшілері  қатыстырмады.  Бұл пән мұғалімдері мен жетекшілердің жұмысына салғырттық танытқсаны деп білемін. 

 Облыстық кезеңге өткен Нығмет Мержан облыстық байқаудан орын ала алмады. 

2-4, 5-6 сынып оқушыларының пәндер олимпиадасы бойынша мектепшілік, аудандық байқау өткізіліп, іріктеліп аудандық кезеңге қатысатын оқушылар тізімі

 2-4, 5-6, 7- 8  сынып оқушыларының пәндер олимпиадасы Облыстық байқауының нәтижесі 

      Осы оқушылардың ішінде жаратылыстану пәнінен орыс сыныбында Боровиков Трофим (жетекшісі А. Мамекова)  облыстық кезеңге жолдама алып, қатысып келді. Қатысқан оқушылардың басты кемшілігі берілген тапсырмалардың  қанша 1 жауапты, 2 жауапты тест сұрақтың мәтінің дұрыс оқымаған. Көп оқушылар 1 жауаппен белгілеп шығып кете берген. Мысалы 30 баллдан 10-15 балл алып отыр. Сонымен қатар өтілмеген тақырып деп отыр. Олай болуы мүмкін емес, аудан боынша оқушылар толық сұраққа жауап беріп жоғары ұпай алып, облыс деңгейіне шығып отыр. Алдағы уақытта осы оқушылармен жұмыс жасап 9-11 сыныптың олимпиадасында облыс, республика деңгейінде көрінетіндей нәтиже шығару керек деп ойлаймын.  2-сыныптан бастап олимпиада ұйымдастырудың өзі сол баланы жастайынан пәнге   қызығушылығын оятып, дарындылығын көрсету болып табылады.      

Жалпы білім беретін пәндер бойынша 9-11 сынып оқушыларына арналған  республикалық Ауыл олимпиадасының бастапқы кезеңіне 29 оқушы қатысып, оның ішінде Жақатай Батыржан химия пәнінен облыстық кезеңінен өтіп, Республикалық кезеңде жүлделі ІІІ орынға ие болды, жетекшісі З. Әзімбай 

Аудандық «Әбіш оқулары» байқаулары бойынша 

 Аудандық « Мұқағали оқулары» байқаулары бойынша 

Аудандық « МәшҺүр-Жүсіп оқулары» байқаулары бойынша 

«Жарқын болашақ» республикалық қазақ тілі олимпиадасының  облыстық кезеңінде «Білгірлер бәйгесі» бағыты бойынша І орын иеленген «№49 орта мектеп» коммуналдық мемлекеттік мекемесінің 8-сынып   оқушысы Хаджиева Себила    Республикалық кезеңде ІІ орынды иеленді. / Жетекшісі: Карипбаева Күлғайша  Мусралиевна/ 

Ауыл мектептеріне арналған  «Мың бала» ұлттық олимпиадасына 6-сыныпқа сабақ беретін математика, ағылшын тілі, қазақ тілі,  жаратылыстану пәні мұғалімдері және 6- сынып оөқушылары тіркеліп, 1-кезеңге 16 оқушы, 2-кезеңге 3-оқушы қатысты. Нәтижесінде Медетқызы Томирис облыстық кезеңнен жүлделі ІІІ орынға ие болды. 

«Абай оқулары» байқауы 9- сынып оқушысы Әділбек Арайлым, 10- сынып оқушысы Нұрғалиқызы Жаннұр  эссе жазу номинациясы бойынша 3 орын, 9а сынып оқушысы Ильмухан Бекзат 3- орын, 9 а сынып оқушысы Серік Сабина  ән айту номинациясы  2- орынға ие болды. 

«Жарқын болашақ» республикалық қазақ тілі олимпиадасының  облыстық кезеңінде «Білгірлер бәйгесі» бағыты бойынша «№49 орта мектеп» коммуналдық мемлекеттік мекемесінің 8-сынып  оқушысы Хаджиева Себила  І орын иеленді.  Жетекшісі: Карипбаева Күлғайша  Мусралиевна. 

«Мой Пушкин» орыс тілі мен әдебиеті пәні мұғалімдерінің байқауына 

        Кербұлақ аудандық білім бөлімі ұйымдастырған «Пушкин-наше все» байқауында «Я памятник себе воздвиг нерукотворный» номинациясы бойынша 2 орын иеленген үшін Мырзагалиев Ерасыл  5 «А»   сынып оқушысы Мырзагалиев Ерасыл 2 орын /Жетекшісі: А.Т.Джекежанова/,              5 «В »  сынып оқұшысы Ернарқызы Наргиз  2 орын /Жетекшісі Э.Т.Сатаева/; 

 «Мой первый друг, мой друг бесценный!» номинациясы бойынша 2 орын иеленгені  үшін  2 «А» сынып оқұшысы Асқар Алибек  марапатталды. Жетекшісі: орыс тілі мен әдебиет пәні мұғалімі Б.Ж.Малдыбаева

      «Мое любимое произведение А.С.Пушкина» номинациясы бойынша 2 орын иеленгені үшін   10 «Ә »  сынып оқушылары  Жақатай Бауыржан мен Нұрғалиқызы Жаннур  марапатталды. /Жетекшісі  Г.С.Исабекова/

    12 сәуір күні Алматы облысы Қонаев қаласындағы өткен «R: ED FEST» робототехника және бағдарламалау фестивалінің облыстық іріктеу кезеңінде 6- сынып оқушылары С. Несіпбай, Е. Ердіхан, А. Тоқтамысов, Ә. Булеген, Б. Жақатай, А. Нұрқасым қатысып, оның ішінде жүлделі орынға Нсіпбай Саян  ІІІ орын, Нұрқасым Асыл  ІІІ орын, Еділхан Еркебулан ІІ орын,  Тоқтамысов Азамат ІІ орын, қалған қатысушылар «Қатысушы дипломмен» марапатталды. 

Дарынды оқушылармен жұмыс жасауда қазақ тілі мен әдебиеті пәні мұғалімдерінде әдеби оқулар мен пән олимпиадаларының түрлері көп. Бірақ дарынды оқушылармен жұмыс жүргізуде нәтиже аз. Жоғарыда айтып өткендей   облыс көлемінде 1 ғана оқушы алып отыр. Алдағы уақытта қазақ тілі мен әдебиеті пәні мұғалімдері дарынды оқушылармен жұмыс жүргізсе.

Шығамашылық топ жұмысы туралы

Мектепте педагог-зертеушілер (10) мен педагог-сарапшылардан (27) құрылған шығармашылық педагогтар жұмыс жасайды. Мақсаты:Мектептегі шығармашылық топ қызметінің мақсаты мектеп педагогтарының кәсіби қарым-қатынасын орнатуға жағдай құру,  олардың  шығармашылық белсенділігін дамыту, кәсіби біліктілігі мен дағдысын қалыптастыру және жетілдіру.

   Алға қойылған мақсатқа жету үшін келесі міндеттер шешіледі: 

ортақ қызмет барысында кәсіби мәселелерді, оқыту және тәрбиелеу қиындықтарын шешу, инновациялық үрдісті меңгеруде бір-біріне көмек беру. Шығармашыл пікірлес-педагог ұжымын қалыптастыру. Жаңа педагогикалық әдістемелерді, технологияларды, дидактикалық материалдарды, сабақ конспектілерін дайындау, құру, апробациялау және кеңінен тарату.

Шығармашылық топ мұғалімдері  сынып жетекшісі және пән мұғалімдерімен пікірлесе отырып, сыныптың жаратылыстану-математикалық бағытындағы сабақтарға қатысып, зерттеу жұмысын жүргізді. 

Жаратылыстану-математикалық бағытындағы математика, химия, биология пәндерінің сабағына қатыстық. 

Математика пәнінің мұғалімі Б.Құрманбекова 8 «Б» сыныбымен өткізілген «Үшбұрыштың ауданы формулаларын қорытып шығару және қолдану » тақырыбындағы  сабақ өткізді. Мұғалім сабақ барысында қолданған әдістерін «Tarsia», «Сұрақ жауап» және«Whatsupp»сабақтың мақсатына жеткенін, жоспарланған жұмыстардың барлығын орындады. Сабақ барысында оқушылардың тыңдалым, оқылым, айтылым дағдыларын дамытып, сабақтың жемісті және қызықты өтуіне бағытталған жеке, жұппен және топпен орындалатын тапсырмалар ұсынғанын жеткізді, Балалар үшбұрыштардың ауданы туралы ақпарат алып, сабақ барысында есептер шығары талдау жасады, өз білімдерін бағалау парағындағы дескрипторлар арқылы бағалады.

Ұсыныс: Сабақтың мақсатына сай бағалау критерийі құрылса. 

Оқушыларды сабаққа толық белсенділікпен қатыстырса.

Тапсырмалар мақсатқа сай берілсе. 

Биология пәнінің мұғалімі Бақытов Өмірбек 8 «Б» сыныбымен өткізілген «Көру мүшелерінің құрлысы. Көрудің маңызы. Көру қызметінің бұзылуы. Көру гигиенасы.» тақырыбындағы  ашық сабақтыңмақсаты:  Көздің құрылысымен бұзылуын сипаттап бере алады.

Мұғалім сабақ барысында қолданған әдістері: «Кластер», «Суреттер сөйлейді» және«Пошта»сабақтың мақсатына жеткенін, жоспарланған жұмыстардың барлығын орындағанын айтты.  Сабақ барысында оқушылардың тыңдалым, оқылым, айтылым дағдыларын дамытып, сабақтың жемісті және қызықты өтуіне бағытталған жеке, жұппен және топпен орындалатын тапсырмалар ұсынғанын жеткізді. Балалар  көздің құрлысын мен қызметін жетік меңгеріп, көздің гигенасы мен ауру  атауларын жекелей жазып ол  туралы мәлімет айтып өтті, өз білімдерін бағалау парағындағы дескрипторлар арқылы бағалағандарын айтты.

Ұсыныс: 

1. Оқушылардың өз бетімен сұраққа жауап беруге мүмкіндік берілсе.
2. Функционалдық сауаттылығн дамыту тапсырмалары берілсе.
3. Топтық жұмыс жүргізуде тапсырмалар түрлендіріп берілсе.

Химия пәні мұғалімі З. Әзімбай «Оксидтер. №6 зертханалық тәжірибе. Оксидтердің қасиеттерін зерттеу» тақырыбындағы сабақтың мақсаты: Оксидтер, олардың атаулары, алынуы, хмиялық қасиеттерін қолдануы туралы терең білім беру. 

Мұғалім сабақтың қысқа мерзімді жоспары бойынща өткізді. Сабақта «Спинер» әдісі, «Аралдар» әдісін қолдану арқылы сұрақ беріп, есеп шығар жұмыстарын орындады. Ұлттық құндылықтарды насихаттау мақсатында  оптық жұмыс берілді. Бағалау жүргізілді. Бірақ та үлгерімі төмен оқушылармен жұмыс жүргізілмеді, уақытты тиімді пайдаланбады. 

    Жалпы сабаққа қатысу барысында 8 б сынып оқушыларының сабақ үлгерім деңгейі орташа, сабаққа тек бір-екі оқушы белсенді түрде қатысады. Өткізілген сабаққа қатысқан педагог-зерттеушілер:  А. Мухамадиева,                                 А. Шакенова, Г. Рахимжанова, К. Карипбаева болды. Мұғалімдерге дұрыс  кері байланыс беріп, алдағы уақытта 8 б сыныпқа сабақ беретін мұғалімдер күнделікті сабаққа дайындықпен келіп, оқушылармен  жеке жұмыс, жұппен жұмыс, топпен жұмыс, ұжымдық жұмыс барысында тиімді әдіс –тәсілдерді қолдана отырып,әр баланың тапсырмаларды дұрыс орындалуына көңіл бөліп, ата-аналарымен, пән мұғалімдерімен  тығыз байланыс орнатуды ұсынды.

     «PISA. TIMSS зерттеулерінің тапсырмалары негізінде білім алушылардың ғылым жаратылыстану сауаттылықтарын дамыту» тақыртыбында химия пәні мұғалімі А. Мухамадиева жаратылыстану-математикалық бағытындағы пән мұғалімдерімен коучинг өткізді. Коучингте пән мұғалімі білім алушылардың сауаттылықтарын дамыту мақсатында қолданатын әдістер «Хронологиялық кесте», «Киномотография» әдістерімен жұмыс жасады. Пән мұғалімдерімен бірлесе отырып, тапсырма беру, тапсырмаларды шешу жолдары қарастырып, әдістерді сабақта тиімді қолдана білу туралы айтты. 

  Облыс көлемінде іс-тәжірибесін таратқан мұғалімдер: физика пәні мұғалімі   А. Тулемисова «Жаңа модификациялық   кабинеттердің мүмкіндіктері» және   «TIMSS тапсырмалары арқылы оқушыларды жаратылыстану бағытындағы функционалдық сауаттылықтарын арттыру» тақырыбында,  физика пәні мұғалімі А. Сейдахметова «ББМЖ ұсынатын  оқу мақсаттарына тапсырмалар орындау арқылы жаратылыстану сауаттылықтарын арттыру»,  химия   пәні 

мұғалімі    А. Мухамадиева  «ББМЖ ұсынатын оқу мақсаттарына   тапсырмалар орындау арқылы жаратылыстану сауаттылықтарын арттыру»  тақырыптарында іс-тәжірибе таратты.

Дене шынықтыру пәні мұғалімі С. Ашимов облыстық семинарда «Дене шынықтыру пәнін сапалы оқытуды жүзеге асырудың» тақырыбында облыстық семинар,  «PIRLS – Мәтіндермен жұмыс бойынша оқушылардың функционалдық сауаттылығын дамыту» /4-сынып/ тақырыбында аудандық семинарда бастауыш сынып мұғалімі З.Тарыбаева,  «Оқу мақсаттары тапсырмаларын орындау арқылы жаратылыстану сауаттылықтарын арттыру» тақырыбындағы аудандық семинарда  химия пәні мұғалімі  А. Мухамадиева,  “Химия-биология пәндері бойынша инновациялық технологияларды пайдалана отырып, оқушылардың инновациялық сауаттылығын, шығармашылық қабілеттілігін арттыру жолдары” тақырыбында, «Химия, биология пәндерінде зертханалық жұмыстарды өткізуде цифрлық білім беру ресурстарын пайдалану» тақырыбында өткен семинарда  химия пәні мұғалімі А. Мухамадиева, биология пәні мұғалімі Ө Бакытов,  география пәнінен «Кербұлақ ауданының киелі орындары мен өнеркәсіп орындарында далалық зерттеу әдістерін жүргізу» тақырыбындағы семинарда   Т. Нұртазина,                  М. Рысбекова, А. Мамекова іс-тәжірибе таратты.

Ал аудандық семинарда   Наурыз айының 12 күні физика пәні мұғалімі А. Абакова «Физика пәні бойынша ББЖМ дайындық барысында оқушылардың функционалдық сауаттылығын дамыту» тақырыбында, Биология пәні мұғалімі А. Умбетжанова «Гормондар арқылы гуморальды реттелу. Эндокринді бездің қызметі және оларға байланысты аурулар  тақырыбына арналған функционалдық сауаттылық тапсырмалары» тақырыбында  «Шет тілі сабақтарында оқылым дағдыларын қалыптастыру» тақырыбында семинарда пән мұғалімі А. Сулейменова,  «Мұғалімнің пәндік сауаттылығы мен тұлғалық құзыреттілігін жетілдіру жолдары» тақырыбында, тарих пәні мұғалімі Алсай Рысгүл, «Көркем еңбек сабағында оқушыларды қолөнер арқылы ұлттық құндылықтарға тәрбиелеу»  Б. Танирбергенов,  аудандық семинарда өз тәжірибесімен бөлісті. 

Пән мұғалімдері аудан, облыс көлемінде іс – тәжірибе таратып,  сонымен бірге   өткізілген семинарларға қатысып, тәжірибе жинақтап қайтты.  «Педагогтардың пәндік құзыреттілігін дамыту» тақырыбында семинарға химия пән мұғалімі Әзімбай Зарина, физика пәні мұғалімі А.Т.Тулемисова семинарға, «Жарқын болашақ иесі – бүгінгі жас маман» Айткалиева Гулнур, «TIMSS зерттеуінің бағыттары бойынша тест тапсырмаларын құрастыру жолдары» тақырыбында А. Сейдахметова, «ББЖМ ұсынылатын оқу мақсаттары тапысрмаларын орындау арқылы оқушылардың жаратылыстану сауаттылықтарын арттыру» тақырыбында Көксу ауданы Қ. Жалайыри атындағы ортам мектеп-гимназиясы базасында өткен семинарда география пәні мұғалімі А. Мамекова, «Ағылшын тілі сабақтарында оқу жетістіктерін бағалау үшін сараланған тапсырмаларды құрастыру ерекшеліктері» тақырыбындағы семинарда А.Бектемисова , «TIMSS зерттеуінің бағыттары бойынша тест тапсырмаларын құрастыру жолдары» тақырыбында                   Р. Кыстаубаева, «Көркем еңбек пәнін оқытудағы мұғалімдердің функционалдық сауаттылықтарын қалыптастыру» семинарда Б.Танирбергенов, «Тарих пәнініндегі картогрфиялық сауаттылықты қалыптастыруда жұптық тапсырмалар тиімді ме?» Тоқтасын Өнергүл, «Бастауыш мектепте оқу мен оқытудағы кедергілер және оны жеңу жолдары» Т. Божыбаева қатысып іс тәжірибе жинақтады.

Баспа беттеріне жарияланым

Аудандық « Кербұлақ жұлдызы» газетіне балалардың кітаптар әлеміне саяхаты жайлы « Кітап – асыл қазына» Г. Карипбаева, Ш. Наурызбаеваның   «Тіл –мәңгігілік тұғырым!» атты мақаласы жарияланды. «Үздік ұстаз» республикалық ғылыми-әдістемелік журналдың кезекті санына химия пәні мұғалімі А. Мухамадиева «Химияны оқытуда жаңа технологияларды қолдану» тақырыбында, орыс тілі мен әдебиеті пәні мұғалімі Э. Сатаева   «Струны великой степи» тақырыбында, көркем еңбек пәні мұғалімі Б. Танирбергенов «Қауіпсіздік техника ережелерін сақтау», Е. Абдикалимов «Портрет жанры. Портрет түрлері» тақырбындағы сабақтары жарияланды.  

Кәсіби байқаулар 

     Аудан тарапынан қыркүйек айынан бастап педагогтармен аудандық байқаулар ұйымдастырылды. Өткізілетін барлық іс шаралардың ережесі келіп, қатысушы педагогтарға таныстырылып, аудандық білім бөліміне қатысуға сұрсаныс берілді. Атап айтқанда «Жетісу ұстазы» байқауының аудандық кезеңіне  тарих пәні мұғалімі И. Демеубаева қатысып, ІІІ жүлделі орынға ие болды.

     Озық инновациялық режимде жұмыс жасайтын білім беру ұйымын анықтау, қолдау, мадақтау және тәжірибесін насихаттау  мақсатында өткізілген аудандық «Үздік ауыл мектебі» байқауына қатысып ІІІ орын иеленді. Облыстық «Үздік білім беру ұйымы»  портфолио байқауына ереже бойынша мектептің жұмысы жіберілді. Байқауға қатысу кезінде анықталғаны мұғалімдердің инновациялығын, жаңашылдығын арттыруға мұғалімдердің мүмкіндігі бар, бірақ жұмысты жүргізуге салғырттық танытатындығынан болып отыр.  

 «ПедСтарт» педагогтарға арналған республикалық олимпиадаға  қатысқан ағылшын тілі пәні мұғалімдері: К. Жунусоваа, А. Сулейменова, Г.Джаксингаева,  қазақ тілі мен әдебиеті пәні мұғалімі Т. Байтагаева, бастауыш сынып мұғалімдері: А.Сейтқазинова, Г. Сайтова жүлделі орындармен марапатталды

 Мұғалімдердің кәсіби байқаулары бойынша  «Заманауи сабақ – педагогтың кәсіби өсуінің көрсеткіші» тақырыбында өткен пән мұғалімдері байқауына  А.Абдильдина   ағылшын  тілі пәнінен, Н. Кунанбаева бастауыш сыныптан, математика пәнінен Серікбол Меруерт, биология пәнінен Өмірбек Бакытов, география пәнінен А. Мамекова қатысып, жүлделі орынға А. Касымбековна ІІ орынға, Бакытов Өмірбек ІІІ орынды иеленді.

Аудандық «Үздік бастауыш сынып мұғалімі -2024» жылы байқауында бастауыш сынып мұғалімі Г. Сайтова жүлделі ІІ орынға ие болды. 

Жас мамандар арасында «Педагогикалық тандем» әдістемелік жәрмеңке байқауында жас маман қазақ тілі пәні мұғалімі Ш. Наурызбаева тәлімгері    А. Таженовамен қатысып жүлделі ІІ орынмен марпатталды

Педагогтерді аттестаттаудан өткізу қағидалары мен шарттарын бекіту туралы

«Мектепке дейінгі тәрбие мен оқытуды, бастауыш, негізгі орта және жалпы орта білімнің жалпы білім беретін оқу бағдарламаларын, техникалық және кәсіптік, орта білімнен кейінгі, қосымша білімнің білім беру бағдарламаларын және арнайы оқу бағдарламаларын іске асыратын білім беру ұйымдарында жұмыс істейтін педагогтерді және білім және ғылым саласындағы басқа да азаматтық қызметшілерді аттестаттаудан өткізу қағидалары мен шарттарын бекіту туралы» Қазақстан Республикасы Білім және ғылым министрінің 2016 жылғы 27 қаңтардағы № 83 бұйрығына өзгерістер енгізу туралы2024 оқу жылында өзгерістер енгізілді.Атап айтқанда, Педагогтің үздіксіз кәсіби дамуының ұлттық платформасына педагогтар өз құжаттарын салу қажет.Ұлттық платформа енгізілгенге дейін педагогтар портфолио жинақтады.

ҚР Оқу-ағарту министрінің 02.04.2024 № 72 (алғашқы ресми жарияланған күнінен кейін қолданысқа енгізіледі) бұйрығы негізінде аттестаттауға барлығы 38  педагог біліктілік санатын растау, көтеруге өтініш жазып, сәуір-мамыр аралығында біліктілік теттілеуге қатысты. Оның ішінде 12 педагог-модератор, 3 педагог-сарапшы, 7 педагог-зерттеуші санатын дәлелдеп тестілеуден өтті деген анықтама алды. Алдағы уақытта мектепшілік сараптамалық кеңес және аттестау комиссиясының отырысына портфолио әзірледі. 

Аттестаттаудың шарттары мен тәртібімен таныстырылды.

(Ұстаз» платформасы жұмыс істей бастағаннан бері)   

ПББ тесті пәндік білім, оқыту әдістемесі -50 сұрақ (2-т, 32-т) 

ПББ тестінен санатты растау кезінде босатылады: 30 және одан да көп жыл педагогикалық өтілі бар педагогтер. (педагог-шебер» ПББ –дан бостылмайды)

2023-2024 оқу жылының 1 тоқсаннында төмендегі педагогтар біліктілігін арттыру курсына жіберілді.